Wat en armen Stackel! Oder doch nich?

Dit Bild hett de Maler Carl Spitzweg 1839 maalt. Dor liggt en Mann an´n hellichten Dag to Puuch un sinneert för sik hen. En gediegen Keerl is dat.

1. Wat kannst du allens sehn? Tell op! Du kannst dorför in en Wöörbook kieken. Help di de Korten ünnen?

Psssttt! Nicht verraden! De Wöör hier köönt di helpen:

Böker, Fenster, Handdook, Kist, Papeer, Paraplü, Stevel, Zylinderhoot, Buddel, Hand, Kopp, Schöddel

2. Wo kannst du an sehn, dat de Poet arm is?

Kiek nipp un nau dat Bild baven an un tell op!

Carl Spitzweg sien Motiv vun den armen Poeten gifft dat mehr as eenmaal. Dat twete Bild süht heel anners ut! Tell de Ünnerschede op!

Kiek dat Bild ünnen an un speel in de Klass oder mit Frünnen: Ik seh wat, wat du nich sühst!

Kennst du de Farven?

Dormit he sik över Water holen kann, schrifft de arme Poet Horoskope.

Stell Di vör, du büst de arme Poet. Dat eenzige Geld, wat in dien Kass klötern deit, verdeenst Du mit dat Schrieven vun Horoskope för dien Kääsblatt. Dorto hebbt se di verdunnert!

Mit Astrologie hest du nix an´n Hoot. Dat eenzige wat du hest, is Fantasie.
Wat wörrst du in dien Horoskope schrieven?
Wat sünd dien Wünsch un dien Drööm?
Du kannst vörgeven, wat de Minschen üm di rüm bedenken schüllt.
Du kannst vörgeven, wo sik de Minschen na richten schüllt.
Du kannst de Minschen op disse Wies vörgeven, wodennig se sik verhölen schüllt – wat se doon schüllt.
Schriev en kort Horoskop!
De Steerntekens sünd:

Steenbuck, Watermann, Fisch, Widder, Stier, Tweeschen, Kreeft, Lööv, Jungfru, Waag, Skorpion, Schütt

Spikeleer doch maal! Wenn Du een Paar funnen hest, kannst du ´n Fraag lesen.

De arme Poet harr Glück! En nee Opdrag is vun´t Kääsblatt kamen. He alleen schall över en groot Ding in Düddenbüll berichten! Lees, wat he Dulles schreven hett!

Stell di vör! För dissen dullen Text för dat Kääsblatt hett de arme Poet nich blots goot Geld kregen – he hett sogaar en Pries inheimst! In sien Geldkniep hett dat düchtig klötert! Nu is he nich mehr so arm. Nu heet dat för em: ruut ut de Puuch un rin in´t Leven! Wat he nu woll maken deit?

 

Arbeitsvörslag

Das Bild "Der arme Poet" von Carl Spitzweg lädt geradezu dazu ein, von vielen Seiten betrachtet und durchdacht zu werden. Kunst wird "op Platt" spielerisch erlebt. Gleichzeitig werden Wortfelder erarbeitet und Sprech- und Schreibanlässe geboten.

Plattolio helfen

Damit Plattolio weiter bestehen und wachsen kann, benötigen wir finanzielle Unterstützung.
Mehr dazu hier.

Schnell und unkompliziert spenden über: